ලන්දේසින් මෙම ප්‍රදේශය හැඳින්වූයේ ‘අවුට්ස්ටැඩ්‘ නමිනි. එහි අරුත පැරණි නුවර යන්නය. දෙමළ බසින් පෙටායි මෙන්ම ඇන්ග්ලෝ ඉන්දිය භාෂාවෙන් කියවෙන ‘පෙටා‘ යන්න ඉංග්‍රීසි ව්‍යවහාරයටත් එසේම පත්විය. කොටුවෙන් පිටත වූ මෙම ප්‍රදේශය සිංහලයෝ පිටකොටුව නමින් හැඳින්වූහ. එකිනෙකට සමාන්තරව දිවෙන සැතපුම් භාගයක් පමණ වූ වීදි 4 කින් ද එම වීදි හරහට තවත් විදි 5 කින් ද පිටකොටුව සැදී ඇත.
බ්‍රිතාන්‍ය යුගයේ මුල් කාලයේ දී පිටකොටුව ප්‍රදේශය දැනට වඩා සුන්දර බවකින් යුක්ත විය. එදා මෙවැනි ජනාකීර්ණ බවක් දක්නට නොලැබුණි. සෑම පැත්තටම විහිදී තිබුනේ ගුරු පාරවල් ය. වාසය කලෝ පෘතුග්‍රීසින් හා ලන්දේසීන්ගෙන් පැවත ආ ධනවතුන් ය.
එකිනෙක ජාතීන්ට වෙනස් වූ විවිධ භාෂා කථාකරන ජාතීන් එක්ව විසූ ස්ථානයකි පිටකොටුව.
පැරණි යෝනක වීදිය, අලුත් යෝනක වීදිය, අලුත් හෙට්ටි වීදිය, චෙක්කු වීදිය යන වීදි නාමයන්ගෙන් පැහැදිලි වන්නේ ඒ ඒ ජාතින් එම වීදි වල විසූ බවයි. මුදලිවරු වාසය කලේ ආදුරුප්පු වීදියේ ය. මේ ප්‍රදේශය එකල අද කුරුඳුවත්ත මෙන් විය. එය ලන්දේසීන් හැඳින්වූයේ වුල්ෆන්ඩෝල් (වෘකයන් සිටි දෙණිය) නමිනි. ගුවාඩලුප් දේව මාතාවට කැපකල පෘතුග්‍රීසි පල්ලියක් ද විය.
පිටකොටුවේ නවීන පන්නයෙන් යුතු වූ පෙදෙසට මැලිබන් වීදිය කියා කියවුනේ ලන්දේසි බසින් ලී මිටිය යන්නය. ලෝකුරු වීදිය, පනික්කි වීදිය, එකිනෙකාගේ රැකියාවන් අනුව භාවිතා වූ නම් ය.
හිල් වීදිය, නිල් වීදිය, කුරුවේ වීදිය, මසංගස් වීදිය, සිංහලයන්ගේ පදිංචි ස්ථාන විය. දකුණු ඉන්දියාවෙන් පැමිණි චෙට්ටියාර්වරුන්ගේ බැංකු කාර්යාල පිහිටා තිබුණේ හෙට්ටි වීදියේය.
උපුටා ගැනීම - පුරාණ ලංකාවේ ගම්දොර විත්ති
No comments:
Post a Comment